نشرت الفنانة بشرى عبر حسابها الرسمي صور جديدة ومختلفة ظهرت فيها باكثر من اطلالة مميزة ومختلفة وبلوك جديد اثار انظار الكثيرين .
حيث ظهرت بشرى في بعض الصور الجديدة وهي تستلقي احدى الدراجات بشكل مبهج ، وظهرت في صورة اخرى مرتدية فستانا انيقا وعصريا .
من ناحية اخرى حرصت بشرى على توجيه رسالة مؤثرة بعد رحيل النجم القدير عزت ابو عوف قائلة ” .مين ما يحبكش يا عزت مفيش حد ….اطيب قلب وأكرم الناس واشيك الفنانين إللى عرفتهم مصر شياكة جوهر و مظهر وروح”…
واضافت بشرى رغم إن الحزن كبير و دفين الا انى عايزة افتكرك كدة وانت مبتسم و شقى و متفائل وجواك طفل عمره ما كبر…وداعا يا صاحب المقام الرفيع، يا حبيبى و يا صديقى و يا ابنى ويا اخويا ويا ابويا ويا استاذى..ياما جمعتنا أعمال فنية بس الاهم ان الأيام جمعتنا على احزان و افراح و احداث كتيرة محفورة فى الذاكرة و صعب تتنسى..
وتابعت مش هنسى فرحتك بيا لما شوفتنى و ابتسامتك رغم الآلام و الاجهزة من حواليك فى كل مكان فى المستشفى و مكنتش اعرف انها اخر مرة هشوفك فيها وان ده كان الوداع.. حزنى أكبر انى مش هودعك لاخر مرة و انى مش جنبك دلوقتى بسبب السفر و الشغل بس انت اكتر واحد عارف قد ايه شغلتنا عزابها عزابين و مرها مرين…فراقك صعب يا عزت وهتسيب فينا جرح لن يلتئم ابدا…الواحد مش عارف يعزى مين ولا مين لان الحقيقة اننا كلنا ناخد عزاك يا غالى..البقاء لله ولا اله الا الله و العزاء للاسرة و الاهل و الاصدقاء و للمصريين أجمعين”.
